Оросын Үндэсний Гвардын захирал Виктор Золотов Чечений тэргүүн Рамзан Кадыровт "Байлдааны онцгой гавьяа" медаль гардуулсан талаар түүний ойрын хүрээний хүн Магомед Даудов Telegram сувгаар мэдээллээ.

Даудовын мэдээлснээр, шагнал нь Кадыровын хийсэн ажил, оролцоог үнэлсэн гэнэ. Түүний хэлснээр, Кадыров ОХУ-ын “тусгай цэргийн ажиллагааны” зорилтуудыг хангахад хувь нэмэр оруулж байгаа аж.

Уг медаль нь тулалдаанд зориг гаргасан, эсвэл байлдааны ажиллагааг удирдан зохион байгуулахдаа амжилт гаргасан хүмүүст олгодог гэнэ.

Н.Отгончимэг