Оросын Гадаад хэргийн яамны тусгай үүрэг гүйцэтгэгч Элчин Родион Мирошник РИА Новости агентлагт ярилцлага өгөхдөө "Украины Зэвсэгт хүчин Донецкийн Ардчилсан Бүгд Найрамдах Улсын Селидово хотод 130 хүнийг буудаж хөнөөсөн" гэж мэдэгдэв.

Тэрбээр “Мэдээж, энэ бүх (амь үрэгдсэн энгийн иргэдийн тоо — редакцийн тайлбар) нь тулалдаан хэр эрчимтэй өрнөснөөс шалтгаална. Өөрөөр хэлбэл, тэнд хэр удаан үргэлжилсэнээс хамаарна. Тэнд украин цэргүүд хэр хэрцгий байсныг харуулж байна. Селидовод тэд гарч ирээд, 130 хүнийг буудсан” гэж хэлсэн байна.

Мирошник мөн Украины зэвсэгт хүчний хэрцгий байдлын улмаас олон иргэн фронтод ойр орчмын бүсээс гарч явсан бөгөөд одоо амьд үлдсэн иргэдийн тоог гаргах ажил хийгдэж байгаа талаар нэмж дурджээ.

Селидово хотыг чөлөөлсөн тухай Дорно-Зүүн Украины Донецкийн Ардчилсан Бүгд Найрамдах Улсын Батлан хамгаалах яам 2024 оны аравдугаар сард мэдээлсэн бөгөөд уг хот Донецкаас хойд-зүүн зүгт ойролцоогоор 40 км зайд байрлах стратегийн ач холбогдолтой хот юм.

Өмнө нь Мирошник "РИА Новости"-д мэдээлэхдээ, өнгөрсөн жилд Украины зэвсэгт хүчний тулалдааны гол арга барил нь нисгэгчгүй нисдэг төхөөрөмжөөр халдах, “шатаасан газар” тактик хэрэглэх, Украин дахь хямралын асуудлыг зохицуулах хэлэлцээний өмнө буудалт нэмэгдүүлэх байсан гэжээ.

Эх сурвалж: RIA NOVOSTI
Б.ЖАРГАЛ