Хэрэв Европын Холбоо эрчим хүчний аюулгүй байдлыг чухалчилж байгаа бол дэмжлэгийн нэгдсэн механизмыг бүрдүүлэх ёстой гэж Болгарын Эрчим хүчний дэд сайд Теодора Георгиева Грек улсад болсон Дельфийн эдийн засгийн чуулга уулзалтад үг хэлэхдээ мэдэгджээ. Тэрбээр хэлэхдээ, 2022 онд Украинд эхлүүлсэн Оросын цэргийн ажиллагаанаас үүдэн эрчим хүчний хямрал эхэлснийг дурдаад, Ираны эргэн тойрон дахь хурцадмал байдлаас үүдэлтэй шинэ сорилтууд Европын хэмжээний нэгдсэн шийдэл гаргах шаардлагатай байгааг сануулж байна гэлээ. “Хямралыг даван туулахын тулд бүх улс орон нэгдмэл байр суурьтай байж, хамтдаа гарц шийдэл эрэлхийлэх ёстой” гэж Т.Георгиева онцолжээ.

Тэрээр Болгар улс Азербайжантай 25 жилийн хугацаатай гэрээ байгуулж, байгалийн хийг өрсөлдөхүйц үнээр найдвартай нийлүүлэх боломжийг бүрдүүлснийг онцлон дурдсан байна.