Нийслэл хотод зам, засвар үргэлжилсээр байна. Тодруулбал, зүүн дөрвөн замаас Офицерын тойрог хүртэлх замын хойд эгнээг, "Хүчит шонхор" захын уулзвараас "Галданбошигтын гудамж" хүртэлх замыг, мөн Гурвалжингийн гүүр рүү өгсөх хэсгийн замыг өчигдөр 22:00 цагт хаажээ. Эдгээр авто замуудын зорчих хэсэгт өнгө асфальт бетон хучилт, тэмдэглэгээ хийж, наймдугаар сарын 20-ны 06:00 цагт нээх аж.

Нийслэлийн Засаг даргын Тамгын газраас жолооч нарт энэ хугацаанд бусад замыг сонгон хөдөлгөөнд оролцохыг зөвлөв.

Б.ЖАРГАЛ