Стрийминг үйлчилгээний аварга Netflix удахгүй цацагдах Өмнөд Солонгосын "Physical: Asia" нэртэй реалити шоуны оролцох найман орны нэрийг зарлажээ.

Тус шоуны нээлтийг 2025 оны аравдугаар сард хийхээр төлөвлөсөн бөгөөд Netflix энэ талаарх мэдээллийг есдүгээр сарын 2-нд YouTube дээр нийтэлсэн видео трейлерээр дамжуулан олон нийтэд хүргэсэн байна.

Улмаар уг трейлерээр оролцогч орнуудын далбааг харуулжээ. Үүнд:

• Австрали
• Филиппин
• Тайланд
• Өмнөд Солонгос
• Монгол
• Япон
• Индонез
• Турк багтжээ.

Улсын арслан Б.Орхонбаяр спортын төрөл болон биеийн хүч, тэсвэр тэвчээрээ сорьж, өрсөлддөг энэхүү тэмцээнд оролцох юм байна.

Б.ЖАРГАЛ