Нийслэлийн Засаг дарга бөгөөд Улаанбаатар хотын захирагч Х.Нямбаатар "Улаанбаатар Метро" төслийн бүтээн байгуулалтын II шатны тендерийг зарласан талаараа мэдээлэв.

Тэрбээр "Улаанбаатар Метро" төслийн бүтээн байгуулалтын EPC Гүйцэтгэгчийг сонгон шалгаруулах I шатны тендерийг 2024 оны аравдугаар сард зарлаж, 2025 оны дөрөвдүгээр сард нээсэн.

Тус тендерт Их Британи, ОХУ, Франц, Энэтхэг, БНХАУ, Монгол, БНСУ зэрэг нийт 7 улсын 27 оролцогч байгууллага материал ирүүлж сонирхлоо илэрхийлсэн.

Тендерийн II шат (Багц l)-ны тендерийн баримт бичгийг эцэслэн боловсруулж дууссан бөгөөд өнөөдөр буюу 2025 оны арванхоёрдугаар сарын 24-ний өдөр уг тендерийг EPC+F нөхцөлтэйгөөр материалаа ирүүлсэн 27 сонирхогч оролцогчийн дунд зарлаж байна" гэв.