Динмухамед Кунаевын нэрэмжит чөлөөт бөхийн эрэгтэйчүүдийн олон улсын тэмцээн өчигдөр Казахстаны Тарас хотод эхэллээ. Тав дахь удаагийн тэмцээнд манай улсаас МУГТ Г.Мандахнаран, Э.Ням-Очир тэргүүтэй долоон бөх хүч үзэж байгаа юм.

Эхний өдөр 61, 70, 86, 125 кг-ын жингийн барилдаан болж, монголын таван бөх зодоглосноос 25 кг-ын жинд Азийн ОУХМ Нацагсүрэнгийн Золбоо мөнгө, 86 кг-д ОУХМ Оргодолын Үйтүмэн хүрэл медалийн эзэн болжээ. Өнөөдөр 57, 65, 74, 97 кг-ын жингийн барилдаан болох бөгөөд гавьяат тамирчин Г.Мандахнаран, спортын мастер Б.Наранболд нар барилдана.

М.АМАРЖАРГАЛ