Hэгдүгээр сарын 30-ны өдөр Увс аймгийн Баруунтуруун суман дахь 0311-р ангид алба хааж байсан цэрэг сумтай буугаа үүрэн оргосон талаар бид өмнө нь мэдээлсэн. Түүнийг эрэн хайх ажиллагааны үеэр ОХУ-ын хил давсан болох нь тогтоогдсон юм. Тэгвэл өнөөдөр эх сурвалжийн мэдээлж буйгаар цэрэг эр хил даван явж байхдаа ОХУ-ын хилчдэд баригдаж, энэ үедээ өөрийн амийг егүүтгэсэн гэх мэдээлэл байна.

Энэ талаар Хил хамгаалах ерөнхий газраас тодруулахад: “ОХУ-ын нутаг дэвсгэрт шалгаж байгаа учраас манайхаас ямар нэгэн мэдээлэл өгөх боломжгүй” гэсэн хариу өгөв. Мөн 0311-р ангийн Штабын даргаас лавлахад “мэдээлэл өгөх боломжгүй байна” хэмээлээ. Харин Хуульзүй, дотоод хэргийн сайд Ц.Нямдорж "Оросын нутаг дэвсгэрт гарсан хэрэг учраас Оросын хуулийн байгууллага шалгана" гэсэн мэдээллийг өглөө.

-ОРГОСОН ЦЭРГИЙН АР ГЭРИЙНХНИЙГ ЦЭРГИЙН АНГИД АВЧИРЧЭЭ-

Xилийн зурвасыг нүд цавчилгүй манаж харуулдаж байх үүрэгтэй байлдагч хүү юуны учир дүүрэн сумтай албаны буугаа үүрч сураггүй алга болсон нь тодорхойгүй хэвээр байна.

Энэ явдлаас хэдхэн хоногийн өмнө цэргийн ангид 19 настай хүү нас барсан харамсалтай хэрэг гарч олныг цочирдуулаад авсан. Хэдхэн хоногийн зайтай хоёр 19 настай байлдагч хүүгийн эл явдалд олон нийт цэргийн ангийн дарамт шахалтаас үүдэлтэй хэмээн таамаг өрнүүлж буй.

Xилийн зурвасаа орхин оргосон асуудал манай улсад анх удаа гарч байгааг албаныхан дуулгаж байна.

Hэгдүгээр сарын 30-ны өдөр Увс аймгийн Баруунтуруун суман дахь 0311-р ангид алба хааж байсан цэрэг сумтай буугаа үүрэн оргосон талаар бид өмнө нь мэдээлсэн.

19 настай байлдагч хүү хилийн харуулд үүрэг гүйцэтгэж байгаад харуулын байрлалыг орхин оргосон байна. Оргох үедээ үүрэг гүйцэтгэхдээ ашиглаж байсан Ака маркийн буутай, 50 ширхэг сумтай авч яваад дөрөв хоногийн турш ямар ч сураггүй хэвээр байна.

Xилийн цэргийн 0311-р ангийн зүгээс эрлийн ажиллагааг тус аймгийн цагдаагийн байгууллагатай хамтран зохион байгуулж улмаар явсан мөрийн дагуу хайснаар ОХУ-ын хил давсан гэдгийг тогтоосон аж. Xил давсан болох нь тогтоогдсон учраас тус улстай хамтран ажиллах албан бичгийг хүргүүлжээ. Xарин тус улсаас ямар нэгэн мэдээ ирүүлээгүй байгаа бөгөөд хил зөрчигч илрээгүй байгаа талаар дуулгасан байгаа юм.

Увс аймгийн Баруунтуруун сумынхан бүхий л хүчин чадлаа дайчлан эрлийн ажиллагаанд хамтран оролцож байгаа бөгөөд сумын малчдад сэжиг бүхий хүн явж байвал даруй мэдэгдэхийг хүссэн тухай мэдээллээ. Mөн сумтай буу авч явсан учраас болзошгүй аюулаас сэрэмжтэй байхыг анхааруулж мэдээ хүргэж байгаа гэдгийг хэлсэн юм.

Cураггүй алга болсон цэргийг чухам юунаас болж ийнхүү оргосон шалтгааныг тогтоогоогүй байгаа. Xарин монгол улсын хилээр цааш гарсан ч ОХУ-ын хилд ямар нэгэн мэдээлэл ирээгүй байгаа нь замдаа амь эрсэдсэн байж болзошгүй талаар эх сурвалж хэлсэн юм.

Cураггүй болсон байлдагчийн асуудлаар салбар яам болон Xил хамгаалах ерөнхий газар ажлын хэсэг гарч ажиллаж байгаа аж. Mөн эрлийн ажиллагааг цаашид хэрхэн явуулах талаар өдөр бүр шуурхай хуралдаж байна.

Хил хамгаалах ерөнхий газрын олон нийттэй харилцах мэргэжилтэн, дэд хурандаа н.Чинзоригоос хэлэхдээ:

-Увс аймгийн Баруунтуруун суман дахь 0311-р ангийн хилийн харуулын үүрэг гүйцэтгэж байсан байлдагч Ц.Вангансүрэн нь нэгдүгээр сарын 30-ны өдөр морин уналагтайгаар харуулын байрыг орхин цэргийн албанаас оргосон байна. Өглөө 9 цагийн орчимд оргосон.

Байлдагч Ц.Вангансүрэн нь Завхан аймгийн Асгат сумын харъяат, 2018 оны аравдугаар сарын цэргийн албанд татагдан ирсэн. Эрлийн явцад байлдагч ОХУ-руу хил давсан болох нь тогтоогдсон. Бидний зүгээс одоогийн байдлаар ОХУ-д мэдэгдэн эрлийн ажиллагааг хамтран зохион байгуулж байна. Эрлийн ажиллагааг ЦЕГ, Увс, Завхан аймаг дахь Хилийн ангиуд хамтран эрлийн ажиллагааг явуулж байна. Ар гэрийнх нь үүрэг гүйцэтгэж байсан газарт нь очсон байгаа. Mөн ямар нэгэн мэдээлэл ирэх юм бол шуурхай хүргэх болно гэдгийг хэллээ.