Аялагч, гэрэл зурагчин З.Тунгалагбаатарын “Араараа модтой Биндэрьяа” гэрэл зургийн үзэсгэлэн “Bluemon” төвийн нэгдүгээр давхарт тавигдлаа. Уг үзэсгэлэнд зүүн бүсийн аялал жуулчлалын төв Хэнтий аймгийн Биндэр сумын түүх болоод үзэсгэлэнт байгаль, нутгийн зон олны амьдралын хэв маяг, ёс заншилийг харуулсан 70 гаруй гэрэл зураг тавигджээ.

Биндэр нутгийнхан тэр дундаа буриад зоны амьдралын хэв маяг, онцлогийг харуулсан уг үзэсгэлэн тавигдсанаар сум орон нутагруугаа аялал жуулчлал татах, цаашлаад нутгийн брэнд бүтээгдэхүүнээ илүү хэмжээгээр зах зээлд нийлүүлэх боломж нээгдэж байгааг үзэсгэлэнд тухалсан Биндэрчүүд онцолж байсан юм.

Аялагч, гэрэл зурагчин З.Тунгалагбаатар “Араараа модтой Биндэрьяа” үзэсгэлэнд тавигдсан бүтээлүүдийг сүүлийн долоон жилийн хугацаанд авчээ. Дараагийн удаа Монгол орны алс баруун хязгаар болоод говийн бүс нутгаар аялахдаа буулгасан гэрэл зургийн тэмдэглэлээр сонирхогчидтой уулзахаа энэ үеэр мэдэгдлээ. Үзэсгэлэн өнөөдөр “Bluemon” төвийн нэгдүгээр давхарт үргэлжилнэ.