“Ахмад настны социаль асуудал: үр дагавар, төлөв, хандлага” суурь судалгааны үр дүнг хэлэлцэнэ

Aдмин / Хууль

“АХМАД НАСТНЫ СОЦИАЛЬ АСУУДАЛ: ҮР ДАГАВАР, ТӨЛӨВ, ХАНДЛАГА” СУУРЬ СУДАЛГАА эрдэм шинжилгээний бага хурал энэ сарын 10-ны өдөр болно.

“Ахмад настны социаль асуудлууд, үр дагавар, төлөв хандлага” (2019-2022) суурь судалгааны төслийн үр дүнг хэлэлцүүлэх зорилготой тус хурлыг ШУА-ийн Философийн хүрээлэн, Социологийн салбар. Монголын Ахмадын холбооноос хамтран зохион байгуулж байна.

Энэхүү эрдэм шинжилгээний хуралд Ахмадуудын нийгмийн асуудлыг судлах онол, арга зүй, Ахмад настны социаль асуудалд шинжлэх ухаанчаар хандах, Ахмадуудын нийгэмд эзлэх байр суурь, Амьжиргаа, хөдөлмөр эрхлэлт, Сэтгэл зүй, гэр бүлийн байдал, нийгмийн оролцоо, Дасан зохицол, нэр хүнд, ялгаварлан гадуурхалт зэрэг сэдвээр нийт 10 илтгэл хэлэлцүүлэх юм.

Тус хурал нь ахмад настны өмнө тулгамдаж буй социаль асуудлыг тодорхойлсон суурь судалгааны үр дүн, дүгнэлтийг танилцуулж, хэрхэн шийдвэрлэх арга замыг дэвшүүлж байгаагаараа танин мэдэхүйн болон практик ач холбогдолтой юм. Мөн суурь судалгааны төслийн үр дүнг хэлэлцүүлснээр судлаачид судалгааны аргачлал, үр дүн болон судлан буй асуудлын талаарх бусад судлаачдын байр суурь, санал бодлыг сонсож, судалгааны ажлын онол, арга зүй, аргачлалын талаарх мэдлэг туршлагаа хуваалцаж, суралцах юм.

Холбоо барих: ШУА, Философийн хүрээлэн, Социологийн салбар

Утас: 99133651, 99078265


Сэтгэгдэл

Цөөхөөн азтан байдаг байхдаа??? [192.82.86.25] 2022-05-05 09:42:14

Сэтгэл хангалуун яваа ахмад настан өнөөгийн Монголд байна уу? Байвал хэн, хаанаа, урьд өмнө юу хийж байсан, хэн гэж хүүхэдтэй хүмүүс вэ? Их л азтай хүмүүс байдаг байхдаа.


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.