Монгол Улсын Ерөнхийлөгчийн Тамгын Газраас хэрэгжүүлж буй “Бүх нийтээр мод тарих үндэсний өдөр”-т Төрийн банкны хамт олон нэгдэж Буйлсны суулгацыг Сонгинохайрхан дүүргийн 24-р хороо “Бумбатын булаг”-т суулгалаа. Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнд Төрийн банкны Гүйцэтгэх захирал Ө.Гантөр оролцохдоо “Модыг мод-а” болгоё уриалгыг дэвшүүлж, бүх талаар дэмжин ажиллахаа илэрхийлсэн.

Тус банк 2021 онд 500 орчим салбар нэгжийн 4000 гаруй ажилтнуудынхаа оролцоотойгоор “Нэг ажилтан, нэг мод” аяныг эхлүүлэн 21 аймаг, нийслэлийн есөн дүүрэгт 5000 орчим модыг суулгаж улмаар жил бүр уламжлал болгон өрнүүлэхээр болсон. Энэ хүрээнд 2030 он гэхэд 5 сая мод тарихаар төлөвлөөд байгаа аж. БАЙГАЛЬ ДЭЛХИЙГЭЭ ХАЙРЛАЖ, ҮР ХОЙЧДОО НОГООН ДЭЛХИЙГ ҮЛДЭЭЕ