Тэрбум мод сан, БНСУ-тай ойжуулалт, цөлжилттэй тэмцэх чиглэлд хамтарч ажиллана

Монголбанкны Ерөнхийлөгч Б.Лхагвасүрэн, Тэрбум мод сангийн Удирдах зөвлөлийн дарга Л.Амар нар БНСУ-д хийсэн ажлын айлчлалын үеэр 2022 оны наймдугаар сарын 12-ны өдөр тус улсын Байгаль орчны хяналт шинжилгээний үндэсний төвтэй хамтын ажиллагааны санамж бичигт гарын үсэг зурлаа. Хоёр тал Монгол Улсад нийт 150 сая мод тарих амлалтыг өгсөн бөгөөд ийнхүү Тэрбум мод сангийн үйл ажиллагааны хүрээнд анхны гадаад хамтын ажиллагааг эхлүүлж, бүс нутгийн хэмжээнд ойжуулалтын чиглэлд хоёр улс хамтран ажиллах эхлэлийг тавилаа.
Санамж бичгийн хүрээнд мод тарих, ойжуулалт, усжуулалт, ойн менежментийн цахим хяналт шинжилгээг бий болгох, харилцан туршлага судлах, манай улсад тохирсон ногоон технологи, шийдлийг туршиж, нэвтрүүлэх, чадавх бэхжүүлэх гэх мэт чиглэлүүдээр хамтарч ажиллахаар харилцан тохиролцов.
Тэрбум мод санг Монголын банкны холбоо, арилжааны банкуудын санаачилгаар ойжуулалт, цөлжилттэй тэмцэхэд бодит төсөл хөтөлбөр, боломжит арга хэрэгслийг нэвтрүүлэх, мод тарих үндэсний хөдөлгөөнийг тодорхой стратеги, төлөвлөгөөний дагуу хэрэгжүүлэхээр 2022 оны гуравдугаар сард үүсгэн байгуулсан.
БНСУ-ын Байгаль орчны хяналт шинжилгээний үндэсний төв нь сайн дурын үйл ажиллагааны зарчим дээр тулгуурлан 2003 онд байгуулагджээ. Тус төв нь байгаль орчны чиглэлээр судалгаа шинжилгээ хийхийн зэрэгцээ бүс нутгийн нийгэм, эдийн засгийг хөгжүүлэхэд байгаль орчны асуудлыг орхигдуулалгүй оновчтой шийдлийг тусгах тал дээр иргэний нийгмийн хүчтэй дуу хоолой болон ажилладаг.
Харин Тэрбум мод сангийн менежмент, үйл ажиллагааг Монголын тогтвортой санхүүгийн холбоо (ТоС Холбоо) хариуцан гүйцэтгэж байгаа юм. Цаашид Тэрбум мод сангийн зарчим болох Зөв газарт зөв модыг зөв зорилгоор тарьж ургуулах ажлыг ойн мэргэжлийн байгууллага, олон улсын байгууллага, олон нийт, иргэдийн дэмжлэгтэйгээр системтэй, үр дүнтэй хэрэгжүүлнэ.
У.Хүрэлсүх: Жигшүүрт хэргийн үнэн мөнийг олж тогтооход онцгой анхаарч, хууль дээдлэх зарчмыг ягштал баримтлах ёстой
Г.Занданшатар: 2026 оны төсөв бол данхар төрийг хумьж, сахилга бат, хариуцлагыг чангалж бататгах шинэ алхам
Ц.Туваан: Ерөнхийлөгч байсан хүн хил холболтын гэрээг санаатайгаар мушгин гуйвуулах нь Монгол Улсаа хорлож байгаа үйлдэл
О.Цогтгэрэл: Халамжаар угждаг төрийг биш, хөдөлмөрлөсөн иргэдээ дэмждэг төрийг бий болгоно
Нийслэлийн прокурорын газраас мэдэгдэл гаргажээ
Клиентелизм ба Какистокраси
Украины кино найруулагч Сенцов Зэвсэгт хүчний батальоны захирагч болжээ
Нийслэлийн хэмжээнд 274 цэгт шахмал түлш борлуулж эхэллээ
Улсын Их Хурлын дарга Д.Амарбаясгалангийн УИХ-ын 2025 оны намрын ээлжит чуулганыг нээж хэлсэн үг
Р.Чойномын нэрэмжит “Оюухай-2025” яруу найргийн наадам болно