Монгол Улсын Ерөнхийлөгч У.Хүрэлсүх: Монгол Улс цөлжилтийн эсрэг ЕСБХБ-тай бүх талаар хамтран ажиллахад бэлэн байна

Aдмин / Хууль

Монгол Улсын Ерөнхийлөгч У.Хүрэлсүх өнөөдөр Европын сэргээн босголт, хөгжлийн банк /ЕСБХБ/-ны Төв Азийн бүсийн захирал Сюзанна Харгитай тэргүүтэй төлөөлөгчдийг хүлээн авч уулзлаа.

Уулзалтын үеэр Монгол Улс, ЕСБХБ-ны хамтын ажиллагааг байгаль орчин, ногоон хөгжил, дэд бүтэц, сэргээгдэх эрчим хүч, бизнесийн салбарт өргөжүүлэн хөгжүүлэх боломжуудын талаар дэлгэрэнгүй ярилцаж, санал солилцлоо.

Монгол Улсын Ерөнхийлөгч У.Хүрэлсүх ЕСБХБ Монгол Улсад үйл ажиллагаа явуулах хугацаандаа нийт 116 төсөлд 2.2 тэрбум орчим ам.долларын санхүүжилтыг олгож, хөгжил дэвшилд үнэтэй хувь нэмэр оруулсанд гүн талархал илэрхийлэв.

ЕСБХБ нь Монгол Улсад санхүүжилт олгох, техникийн туслалцаа үзүүлэх, бизнесийн зөвлөх үйлчилгээ үзүүлэх хэлбэрээр үйл ажиллагаа явуулж байна. Хатагтай Сюзанна Харгитай цаашид хамтын ажиллагааг цахим шилжилт, ногоон хөгжил, хувийн хэвшил, нэн ялангуяа залуу бизнес эрхлэгчдийн оролцоо, чадавхыг нэмэгдүүлэх, орон нутгийн хөгжлийн чиглэлээр түлхүү хөгжүүлэхэд анхаарал хандуулж ажиллахаа хэллээ. ЕСБХБ-ны зүгээс уур амьсгалын өөрчлөлттэй тэмцэх, нэн ялангуяа хүлэмжийн хийн ялгарлыг бууруулах чиглэлд туршлага хуваалцаж, тодорхой судалгаа гаргаж хамтран ажиллахад бэлэн гэдгийг илэрхийлэв.

Монгол Улсын Ерөнхийлөгч У.Хүрэлсүх уур амьсгал, ногоон хөгжлийн асуудал бол дэлхий нийтийн асуудал гэдгийг онцолж, Монгол Улс ДНБ-ий нэгээс доошгүй хувийг байгаль орчны салбарт зарцуулах бодлогыг хэрэгжүүлж, тэрбумаар тоологдох мод тарих үндэсний хөдөлгөөн эхлүүлсэн гэдгийг хэллээ.

Монгол Улсын Ерөнхийлөгчийн мөрийн хөтөлбөр, Засгийн газрын үйл ажиллагааны хөтөлбөр, “Алсын хараа-2050” зэрэг баримт бичиг нь “Тогтвортой хөгжлийн зорилтууд-2030”-д нийцсэн бөгөөд Монгол Улс нь төр, засгийн бүх түвшинд нэгдмэл байр суурьтай байгааг тэмдэглэв.

Монгол Улсын Ерөнхийлөгч У.Хүрэлсүх уулзалтаар ярилцсан төсөл, хөтөлбөрүүдийг хэрэгжүүлэх, байгаль орчны чиглэлээр хамтын ажиллагааг өргөжүүлэх, ялангуяа цөлжилт, шар шороон шуургатай тэмцэх чиглэлд ЕСБХБ-тай бүх талаар хамтран ажиллахад бэлэн гэдгээ тодотголоо.


Сэтгэгдэл

Зочин [202.9.41.29] 2021-10-21 04:33:13

Улс орон ард түмэн ийм дор орчоод байхад энэ хууль бус амьтан мөн ч солиоорч бн аа. Бурханы оронд очоод ирэхээр ийм солиотой бочдым байх даа чааваас.

Зочин [202.9.46.243] 2021-10-21 03:00:47

ашгүй дээ, ерөнхийлөгч ЗГ-аас илүү далайцтай, ирээдүйг харсан том том ажлуудыг хэрэгжүүлж бга шүү

ЗОЧИН [202.126.88.221] 2021-10-21 01:54:22

ОДОО БҮХ МАЛЧДЫГ БЭЛЧЭЭРТ БАЙГАА ХОГ ХАЯГДЛЫГ ТҮҮЛГЭЖ НЭГДСЭН ХОГИЙН ЦЭГТ ХАЯУУЛАХ, МАЛЧДЫГ ӨӨВӨЛЖӨӨН ДЭЭРЭЭ ӨТӨГ БУУЦАНДАА ХҮНСНИЙ НОГОО ТАРИХ УРИАЛГА ГАРГАЖ ХЭРЭГЖҮҮЛ ЦЭВЭР ЭКО ХҮНС БОЛНО ШҮҮ ЕРӨНХИЙЛӨГЧӨӨ

Zochin [109.89.151.254] 2021-10-20 15:19:18

Zasgiin gazraa shaxaad koronatai temtsej ajillax estoi baixad mod chuluu xootsoldood yavj baidag ynyn teneg yum aa !!!

иргэн [103.212.119.111] 2021-10-20 13:15:46

Өөрсдөө цөлжилтөөс дор орчихоод Одоо яаж цөлжилт арилгах юм яриад баыгаа юм.!!!!!Эхлээд Шинэ гэмтэлийн эмнэлэгээ барь короноогоо нэгтийш нь болго !!!!!!!эх ороны баялаг чинь Хүн гэчихээд өөр мод хөшөө бариад солиороод мөнгө идээд өрөөгөө мөнгө$ гоёод тэнэгтээд ёстой Тэнэгүүд юм.Бүгд Огцор дарамтлагчидаа тэр цагдаа нараа хар !!!!!!төр уналтанд орлоо малнуудаа !!!!!!!!!

Зочин [192.82.74.223] 2021-10-20 12:35:49

УЛС ТӨР НАМ ЗАСГИЙН ГАЗАР НЬ ӨӨРСӨДӨӨ ЦӨЛЖИЛТӨД ГҮН ОРЧООД БАЙГАА БУС УУ


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.