Д.АМАРБАЯСГАЛАН: БЗС-ААС ЗЭЭЛ ОЛГОХ ШАТ ДАМЖЛАГЫГ БҮРЭН ЦАХИМЖУУЛНА

Aдмин / Улстөр

Засгийн газрын ээлжит хуралдаан боллоо. Хуралдааны дараа ЗГХЭГ-ын дарга Д.Амарбаясгалан мэдээлэл өгсөн юм. Тэрбээр юуны өмнө Боловсролын зээлийн сангийн тухай асуудлаар Засгийн газар ямар шийдвэр гаргасныг танилцууллаа.

ЗГХЭГ-ын дарга Д.Амарбаясгалан "БЗС-гийн асуудал өнгөрсөн өдрүүдэд олон нийтийн уур бухимдлыг төрүүлсэн. “Шилэн” ажиллагааны хүрээнд тусгай сангуудын мэдээллийг ил тод болгож байгаа. БЗС-гийн үйл ажиллагаа олны анхааралд өртсөн учраас цаашид хэрхэн ил тод нээлттэй явуулж байх вэ гэдэг асуудлыг загварчилж, ЗГ-т танилцууллаа.

БЗС үргэлжлүүлэн ажиллах нь зайлшгүй чухал. Иймд гадаадад болон дотоодод суралцахдаа зээл авах, эргээд төлдөг байх механизмыг тодорхой болгох ёстой. Ерөнхийлөгчийн нэрэмжит “Илгээлт 2100” тэтгэлгийн үйл ажиллагааг хэвийн хангахад чБЗС ажиллах ёстой гэж харж байна.

Үүний дараа шалгарсан хүмүүс нь шаардлага хангасан эсэх нь анхаарал татаж байна гэдгийг мэргэжлийн байгууллагууд дүгнэлээ. Юун түрүүнд БЗС хэвийн үйл ажиллагаа үргэлжлүүлэн явуулах ёстой гэдэгт санал нэгдсэн. Харин ямар мэргэжлийг тэргүүлэх мэргэжлээр зарлаж, ямар боловсон хүчин бэлтгэхээ тодорхойлох учиртай.

Иймээс жил бүр тэргүүлэх чиглэлийн мэргэжлийг ЗГ зарладаг байя. Тэр мэргэжилд тэнцсэн хүмүүст зээл олгох нь зөв. Олгох процесс нь олон нийтэд ил байя.

Зээл олгох нийт 11 шат дамжлагын тав нь БШУЯ дээр, дөрөв нь БЗС дээр, хоёр нь банкны түвшинд явагддаг юм байна. Энэ шат дамжлага бүрд хүн оролцдог. Хүний хүчин зүйлээс хамаарч явагдаж ирсэн учир ЗГ долоо хоногийн дотор энэ бүх шат дамжлагыг бүрэн автоматжуулахаар боллоо.

Ямар нэгэн байдлаар хүнээс хамаарахгүйгээр энэ бүх процесс явагдана гэсэн үг. Шаардлагатай бол зарим хууль, журмыг нь үүнтэй холбогдуулан өөрчилье гэж үзлээ.

Харин БЗС ор байх ёсгүй гэж үзэж болохгүй хэмээн ЗГ ярилцлаа. Цаашлаад 24 тусгай санг ийм хэлбэрээр цахимжуулъя гэдэгт санал нэгдлээ" гэлээ.


Сэтгэгдэл

Зочин [66.181.161.236] 2023-06-07 15:13:42

ИНЕГ аас олгосон сургалтын зардлуудыг буцааж төлүүлнэ. Үүнд эргэж ажиллаагүй нисэхийн үндсэн мэргэжлээр сураагүй


1 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.