​“Ноорог креатив” студийн үүсгэн байгуулагч О.Уламсайхан Засгийн газрыг огцруулах “Огцрох амархан” гэх жагсаалыг зохион байгуулж байна. МСS группийн сошиал маркетингийг хариуцдаг нь тодорхой болсон О.Уламсайхан жагсаалыг удирдаж буй нь олны анхаарлыг татаж эхэлсэн.

Түүнийг анх ЦЕГ-ын Кибер гэмт хэрэгтэй тэмцэх газраас 2025.03.17-ны өдрөөс 18-нд шилжих шөнө хойшлуулшгүй ажиллагаа явуулж саатуулсан талаар мэдээлэл хийснээр нийгэм мэдэж эхэлсэн. Тухайн үед хуулийн байгууллагаас контент бүтээгч залуусыг саатуулж, шалгаж байгаа нь хэвлэлийн эрх чөлөөнд халдсан үйлдэл боллоо гэж хэд хоног сенсаци тарьсныг монголчууд мартаагүй.

Гэвч өчигдрийн жагсаалын үеэрх нэгэн залуугийн үйлдэл олны анхаарлыг эрхгүй татаж эхэллээ. Учир нь, О.Уламсайхан гэгч хамтран амьдарч байсан эмэгтэй Б.Түвшинзаяа гэгчийг сэтгэл зүйн дарамтанд оруулж, улмаар аминд нь хүрсэн гэдгийг талийгаачийн төрсөн дүү "Огцрох амархан" жагсаалын индэр дээрээс хариуцлагатайгаар мэдэгдлээ.

Үүнийг Монголын ард түмэн жагсаалыг сарниулах сөрөг акц гэж хүлээж авахаасаа илүү асуудлын мөн чанарыг олох, О.Уламсайханыг хэн болохыг таних, Улмаа гэмт хэрэгтэн мөн эсэхийг мэдэхийг хүсч эхэллээ.

Талийгаач дөнгөж 24-хөн насандаа хорвоогоос буцсанд аав Л.Баярдалай нь харамсаад зогсохгүй, ямар үйлийн үрээр хайрлаж өсгөсөн охин минь энэ араатантай учирсан юм бэ гээд цагдаагийн газар зодох гэж дайрсан байдаг. Улмаар охиныг нь амьд байхад нь хайрлаагүй байж болох ч араас нь битгий ясыг нь өндөлзүүлээд байгаач гэж гуйсан гэдгийг ойрын эх сурвалж нь хэлж байна.

Талийгаач 2000 онд төрсөн. Нийслэлийн ерөнхий боловсролын Нэгдүгээр сургууль, ОХУ-ын Москва хотын С.Г.Строгановагийн нэрэмжит дүрслэх урлагийн сургуулийг график дизайн, зураач мэргэжлээр төгссөн. Өвөрмөц сэтгэлгээтэй, авьяаслаг охин байжээ.

Тэрээр Монголд ирээд хоббигоороо комедиан хийхээс гадна “Ноорог” медиа агентлагт ажиллах болсон. Улмаар тус агентлагийн гүйцэтгэх захирал О.Уламсайхан гэгчтэй танилцаж, хамтран амьдарч эхэлснээр сэтгэл зүйн өөрчлөлтөд орж, үүнээс үүдэн 2024.09 сард амиа хорлосон байдалтай гэртээ нас баржээ.

Талийгаач тухайн үед гэртээ шөнийн цагаар амиа хорлосон байхад О.Уламсайхан аав, ээжид нь өдрийн 16:00 цагийн үед мэдэгдсэнд гэрийнхэн нь одоо ч гомдолтой байдаг гэнэ.

Гэтэл тус асуудал нь цагдаагийн байгууллагад шалгагдаж дуусаагүй байтал сэжигтэн О.Уламсайхан нь өнөөдөр шоронд орохоос бултан, хар амиа хоохойлох гэж улстөрчдийн гар хөл болон жагсаал зохион байгуулан шударга дүрд хувиран жүжиглэж байна гэж талийгаачийн ар гэр үзэж байгаа юм байна.

Хүний охины аминд хүрчихээд эмгэнэн гашуудаж чаддаггүй юмаа гэхэд талийгаачид хүндэтгэлтэй хандаж болдоггүй юм уу гэсэн асуултыг түүнд дайж байгаа.

Олон нийтийн сүлжээнд шударга, залуу үеийн төлөөлөл гэдэг дүрийг бүтээхийг зорьж яваа О.Уламсайхан энэ дүр хуурамч уу. Засгийн газрыг огцруулах гэж жагсаал цуглаан зохион байгуулж байгаа нь эзэндээ үйлчилж байгаа хэрэг үү. Нөгөөтэйгүүр, өөрийн хийсэн байж болзошгүй гэмт үйлдлийг нуух гэсэн арга заль уу гэдгийг нь мэдэхийг нийгэм хүсч эхэллээ.

М.БАТ