БНХАУ-ын эрх баригчид есдүгээр сарын 15-наас эхлэн ОХУ-ын энгийн гадаад паспортой иргэдийг 30 хүртэлх хоногийн хугацаатай визгүй зорчуулахаар болжээ. Энэ талаар БНХАУ-ын Гадаад хэргийн яамны албан ёсны төлөөлөгч Го Жякунь мэдэгдэв.

Тэрбээр хэвлэлийн бага хурал дээр "БНХАУ болон бусад орны иргэдийн харилцан зорчих нөхцөлийг цаашид дэмжих зорилгоор Хятадын тал визгүй нэвтрэх эрхтэй орнуудын хүрээг тэлэх шийдвэр гаргасан.

2025 оны есдүгээр сарын 15-наас 2026 оны есдүгээр сарын 14-ний өдөр хүртэл ОХУ-ын энгийн паспорттай иргэдэд хамаарах туршилтын визгүй бодлого хэрэгжинэ" гэж мэдэгдсэн байна.

Эх сурвалж: TASS
Б.ЖАРГАЛ