НҮБ-ын ерөнхий ассамблейгаас жил бүрийн 10 дугаар сарын 1-ний өдрийг “Ахмадын баяр” болгон тэмдэглэж байхыг тунхагласны дагуу манай улс 1992 оноос хойш энэ өдрийг тэмдэглэсээр ирсэн.

Ахмадын баярыг тохиолдуулан Монгол Улсын бүх аймаг сум, хот сууринд байрлах Төрийн банкны салбар нэгжүүдээс ахмадууд олноор үйлчлүүлдэг нэгжийн теллерүүд үндэсний хувцсаараа жигдрэн, ахмадуудаа халуун цай, тавгийн идээтэй угтан анхан шатны эмчийн үзлэгт хамруулах, хамгийн өндөр настай 5 харилцагчдаа гарын бэлэг өгөх, дугаарлан зогсоохгүй дарааллын урдуур үйлчлэх зэргээр ахмадууддаа хүндэтгэл үзүүллээ.

Төрийн банк нь энэхүү өдөрлөгийг зохион байгуулснаар ирээдүй хойч үе болсон залуусаа ахмадаа хүндэтгэх, үндэсний өв соёлоо сурталчлах үйлсэд уриалан жил бүр зохион байгуулдаг юм.

Монгол Улсын хөгжил дэвшил, хойч үеийнхээ ирээдүйн сайн сайхны төлөө цуцалтгүй хөдөлмөрлөж, уйгагүй зүтгэж ирсэн үе үеийн ахмад буурлууддаа Төрийн банкны 3800 ажилтнуудын нэрийн өмнөөс Олон Улсын Ахмадын Баярын мэнд дэвшүүлье.

Н.БАЯР