Монгол Улсын Ерөнхийлөгч У.Хүрэлсүх: Улс үндэстнийхээ аюулгүй байдал, монгол гэр бүлийн сайн сайхан амьдралын төлөө “Эрүүл монгол хүн” үндэсний хөдөлгөөн өрнүүлцгээе

Aдмин / Хууль

Монгол Улсын Ерөнхийлөгч У.Хүрэлсүхийн ивээл дор зохион байгуулж буй “Нийгмийн хөгжилд эрэгтэйчүүдийн оролцоо, манлайлал” сэдэвт үндэсний чуулган Төрийн ордонд эхэллээ.

Чуулганд оролцогсод эрэгтэйчүүдийн амьдралын чанар, оролцоо, манлайллыг дэмжихэд тулгарч буй сорилт, бэрхшээл, тэдгээрийн гарц шийдлийг хамтдаа тодорхойлно.

Энэ хүрээнд “Эрэгтэйчүүдэд тулгамдаж буй зарим асуудал”, Эрэгтэйчүүдийн манлайлал, ёс зүй, үүрэг хариуцлага, оролцоо”, “Эрэгтэйчүүдийн эрүүл мэнд, эрүүл амьдралын хэв маяг”, “Эрэгтэйчүүдийн талаарх хэвшмэл ойлголт-боловсрол, амьдралын ухаан”, “Эрэгтэйчүүдийн хөдөлмөр эрхлэлт, нийгмийн хамгаалал” зэрэг сэдвээр илтгэл сонсож хэлэлцүүлэг өрнүүлэн, зөвлөмж гаргах юм.

Үндэсний чуулганыг нээж Монгол Улсын Ерөнхийлөгч У.Хүрэлсүхийн хэлсэн үгийг бүрэн эхээр нь хүргэж байна.

МОНГОЛ УЛСЫН ЕРӨНХИЙЛӨГЧ У.ХҮРЭЛСҮХ:

Эрхэм хүндэт чуулганы төлөөлөгчид өө,

Улс орны түшиг тулгуур, айл гэрийн ноён нуруу болсон эрчүүд ээ,

Та бүхэнд энэ өдрийн мэндийг өргөн дэвшүүлье!

Монгол төрийн гал голомт болсон Төрийн ордондоо монгол эрчүүдийнхээ талаар хэлэлцэн ярилцаж, эх орныхоо хөгжил дэвшилд эрэгтэйчүүдийн үүрэг оролцоо, манлайллын талаар санал бодлоо солилцон, бодлого, зорилтоо тодорхойлохоор улс орныхоо өнцөг булан бүрээс хүрэлцэн ирсэн Та бүхэнд Төрийн тэргүүн, Улсын Ерөнхийлөгч гүн талархал илэрхийлж байна.

Улс орны хөгжил дэвшил, гэр бүлийн амьдралд эрэгтэйчүүдийн үүрэг, хариуцлага, манлайлал маш чухал үүрэгтэй.

Монголчууд бид эрт дээр үеэс эрчүүдээ “өрхийн тэргүүн, гэрийн эзэн” хэмээн хүндэтгэн ирсэн сайхан уламжлалтай. Айл өрх бол улсын үндэс, төрийн тулгуур юм.

Хатан зоригт монгол эрчүүд Хүннү гүрнээс эхлэн дэлхийн талыг төвшитгөн төр улсаа байгуулж, даян дэлхийд Монголын их амар амгаланг тогтоон, туурга тусгаар улсаа цогцлоон мандуулж, монгол хүн, монгол үндэстнийг дэлхийн түүхэнд тамгалан үлдээсэн бахдам түүх, баатарлаг гавьяатай билээ.

Бидний өвөг дээдэс монгол эр хүнийг эр зоригтой, эрдэм билигтэй, холч ухаантай, уужуу сэтгэлтэй, тэсвэр хаттай, ёс жудагтай, шударга журамтай, андгай тангарагтаа үнэнч, эх хүнд элбэрэлтэй байхыг сургаж, төр улс, түмэн олондоо өмөг түшиг болсон ноён нуруутай эрсийг “Эр хүн” хэмээн өргөмжилж ирсэн түүхтэй.

Монголчууд бид эрт үеэс хуурч мэхлэх, зусардаж зальдах, урваж шарвах, ихэрхэж баярхах, хүчирхийлэн дээрэлхэх, сархдад самуурах, хулгай дээрэм хийх, хов жив хөөцөлдөх зэргийг адгийн араншин, хүний мөс чанарт харш хэмээн цээрлэж ирсэн заншилтай.

“Нэр хугарахаар яс хугар” хэмээн манай ард түмэн ярьдаг билээ.

Эцэг өвгөдөөс уламжлагдан ирсэн энэхүү ёс жудаг, зан заншил, үнэт зүйлсээ бид хэзээ ч мартах ёсгүй бөгөөд үеийн үед үр хүүхдүүддээ өвлүүлэн уламжлуулж байх учиртай.

Харин бид өнөөдөр энэ зан заншил, захиа даалгавар, ёс жудгаа хэрхэн хадгалж, хэрхэн хамгаалж, хэрхэн авч яваа талаараа хэлэлцэн ярилцаж, тунгаан бодох цаг болжээ.

Монгол эр хүн бол хань ижил, гэр бүл, үр хүүхдээ хайрлан халамжилж, улс орон, гэр бүлийнхээ төлөө хичээн зүтгэж, эх орноо батлан хамгаалах үүргээ ямагт ухамсарлан нэр төртэйгөөр амьдрах ёстой.

Эрх чөлөөт Монгол Улсад эрэгтэй, эмэгтэй хүн ижил тэгш эрхтэй байдаг хэдий ч эрчүүд бид эх орон, ард түмэн, гэр бүл, үр хүүхдийнхээ өмнө илүү их үүрэг, хариуцлага хүлээж, илүү их ачааны хүндийг үүрэх учиртай.

Иймээс монгол эр хүн эрүүл биетэй, саруул ухаантай, зөв сэтгэлтэй, зөв хандлагатай, үүх түүх, өв соёл, үнэт зүйлээ эрхэмлэн дээдэлдэг, мэдлэг боловсролтой, ажил амьдралтай, хүн төрөлхтний хөгжил дэвшилтэй хөл нийлүүлэн алхаж чаддаг байх ёстой.

Ингэхийн тулд эрүүл мэнд, сэтгэл зүй, боловсрол, хөдөлмөр эрхлэлт, хөгжлийн асуудалд нь төрийн бодлогыг чиглүүлэхийн зэрэгцээ эрчүүдийн өөрсдийн ухамсар, идэвх санаачилга, хариуцлагыг шинэ түвшинд гаргах шаардлагатай болжээ.

Эрчүүд бидэнд санаа зовох зүйл чамгүй их байна. Засаж залруулах зүйл ч их байна.

Зарим нөхөд маань эрүүл мэнд, ахуй амьдралаа хөсөрдүүлж, эр хүн, эцэг хүнийхээ үүрэг, хариуцлагыг умартаж, гэр орон, ажил үйлсээ эзэнгүйдүүлж, хань ижил, үр хүүхэд, гэр бүлээ зовоож байгаа явдал цөөнгүй байна.

Манай улсын хүн ам өсөж, дундаж наслалт 70 нас болсон сайхан мэдээ байгаа хэдий ч эрэгтэй, эмэгтэй хүний дундаж наслалтын зөрүү 1990 онд 5.8 жил байсан бол өнөөдөр 10 жил болж өөрчлөгдсөн байна. Энэ нь нэг ёсондоо эрэгтэй хүн эмэгтэй хүнээс 10 жилээр богино насалж байна гэсэн үг юм.

Үүнийг эрдэмтэн, судлаачид дүгнэхдээ монгол эрэгтэйчүүд эрүүл мэнддээ анхаардаггүй, хорт зуршилд хэт их автсантай шууд холбоотой бөгөөд энэ нь архи, тамхи, осол гэмтэл, сэтгэл гутрал, гэр бүл салалт, ажилгүйдэл болон эмх цэгцгүй, хэнэггүй, хариуцлагагүй байдлаас болж байна гэж үзжээ.

Манай эрэгтэйчүүдийн нас баралтын тэргүүлэх таван шалтгаанд зүрх судасны өвчин, хавдар, гэмтэл, хордлого ба гадны шалтгаант эмгэг, амьсгалын замын болон хоол боловсруулах тогтолцооны өвчнүүд орж байна.

Эр хүн хэр баргийн зовлонг даадаг, эр хүн өвддөггүй, эмэгтэй хүнээс долоон дор гэх зэрэг буруу үзэл, хэнэггүй байдал газар авснаас болоод эрэгтэйчүүд эрүүл мэндийн урьдчилан сэргийлэх үзлэгт хамрагдах, эмнэлэгт эмчлүүлэх, эрүүл мэнддээ тавих анхаарал харьцангуй сул байна.

Энэ бол туйлын хариуцлагагүй явдал бөгөөд эрчүүдийн амьдралын чанарт төдийгүй өрх гэр, улс үндэстний аюулгүй байдалд ч сөргөөр нөлөөлж байна.

Энэ тухай өнөөдрийн чуулган дээр манай эрдэмтэн судлаачид, мэргэжлийн хүмүүс тодорхой тоо баримтад тулгуурлан шинжлэх ухааны үндэслэлтэй ярьж, ард иргэддээ сайтар ойлгуулна гэж найдаж байна.

Цаашид төр засгаас ард иргэд, нэн ялангуяа эрэгтэйчүүдийн эрүүл мэндийн боловсролыг дээшлүүлэх, зөв амьдралын хэвшлийг бий болгох чиглэлээр соён гэгээрүүлэх ажлыг бүх түвшинд эрчимтэй явуулах шаардлагатай байна.

Эрхэм нөхөд өө,

“Эр амгалан бол гэр амгалан” гэж манай ард түмэн хэлдэг.

Эрчүүд бид гэр бүл, эх орныхоо өмнө хүлээсэн үүрэг, хариуцлагадаа эзэн байж, эх хүн, эмэгтэй хүн, үр хүүхдээ хайрлан дээдэлж, халамжлан асрах учиртай.

Энэ бол эр хүний ёс жудаг, нэр төрийн хэрэг бөгөөд эр хүний, эцэг хүний эрхэм үүрэг юм.

Охин үр аавын хайраар эрчүүдийн ертөнцийг төсөөлж, нуган үр эцгийн сургаалаар эр хүн болон хүмүүждэг жамтай.

Иймээс эр хүн, эцэг хүн уур омог, хэл ам, хэрүүлийн бузраас ангид байж, бие сэтгэлийн тэнцвэрийг олж, тэнгэр шиг тэнүүн, уул шиг түшигтэй, үр хүүхэд, өрөөл бусдад үлгэр дуурайл болон эрийн хийморийг бадрааж, гэрийн жаврыг үргээдэг байх ёстой.

Харамсалтай нь сүүлийн үед гэр бүлийн хүчирхийлэл үйлдэгчдийн 97.4 хувь нь эрчүүд байгаа бөгөөд дийлэнх нь согтуугаар үйлджээ.

Түүнчлэн жил ирэх тусам гэр бүл салалт нэмэгдэж, өрх толгойлсон иргэдийн 92.5 хувь нь эмэгтэйчүүд байгаа нь эрчүүд гэр бүлийнхээ өмнө хүлээсэн үүрэг, хариуцлага, ёс зүйгээ хангалттай ухамсарлахгүй байна гэж судлаачид дүгнэжээ.

Нийгэмд гарч буй архидалт, донтолт, гэр бүлийн хүчирхийлэл, гэр бүл салалт зэрэг сөрөг үзэгдэл эрчүүдийн нийгэмд эзлэх байр суурь, нэр хүндийг унагааж байна.

Цаашид бид ийм байдлаар үргэлжлүүлэн амьдарч хэрхэвч болохгүй.

Бурханы сургаальд нэг сайхан үг байдаг юм.

“Хэрвээ чи зовлонгоос ангижиръя гэвэл зовлонгийн шалтгааныг ол” гэж.

Тэгвэл бидний зовлонгийн нэг том шалтгаан бол архидан согтуурах, архинд донтох явдал юм. Архидалт хэзээ ч сайн сайхан зүйл дагуулдаггүй. Харин гай зовлон, хагацал, харууслыг л дагуулдаг.

Эрчүүд бид архийг ууж байна гэж боддог. Тэгвэл үгүй ээ. Харин архи эрчүүд биднийг, өөрсдийг маань ууж байна. Үр хүүхэдтэй минь, гэр бүлтэй минь, улс үндэстнийг минь ууж байна.

Эх орны маань хөгжил дэвшилд чөдөр тушаа болж байна.

“Сархад савнаасаа бусдыг дийлдэг” гэж манай ард түмэн хэлдэг.

Үүнийг л бид дор бүрнээ ухаарч, улс үндэстнээрээ тэмцэх цаг болжээ.

Бид байгаль дэлхийгээ хамгаалж, цөлжилттэй тэмцэхийн тулд тэрбумаар тоологдох мод тарьж ургуулах үндэсний хөдөлгөөнийг өрнүүлж эхлээд байна.

Ард түмэн маань ч үүнийг талархан дэмжиж байна.

Тэгвэл өнөөдрөөс эхлээд улс үндэстнийхээ аюулгүй байдлын төлөө, монгол гэр бүлийн сайн сайхан амьдралын төлөө “Эрүүл монгол хүн” үндэсний хөдөлгөөн өрнүүлцгээе.

Айл өрх, албан байгууллага, аж ахуйн нэгж, төр засаг, ард түмнээрээ архидалтын эсрэг нэгдэн тэмцэцгээе.

Хань ижлээ, хайртай хүмүүсээ, үр хүүхдээ, гэр бүлээ, эцэг эхээ, эх орноо гэсэн чинхүү сэтгэл танд байдаг бол хатуу бор сархдаас татгалзъя, тэнгэр заяат эрчүүдээ.

Монгол эр хүн хэлсэн үгэндээ эзэн байж, зорьсон хэргээ бүтээж чаддаг зан суртахуунтай билээ.

Монгол эрчүүд архи, тамхи, аливаа хорт зуршлаас ангид байж, эрүүл зөв амьдралыг төлөвшүүлж, эрүүл мэнддээ анхаарч, эх орон, гэр бүл, хань ижилдээ үнэ цэнтэй эрхэм хүн нь байж, урт насалж, их зүйлийг хийж бүтээж, нэр төртэй амьдрах ёстой.

Энэ бүхэн эрчүүд бидний хувийн зохион байгуулалт, сахилга бат, зөв амьдралаас ихээхэн шалтгаална гэдгийг эр хүн болгон сайтар ухамсарлаж, амьдралынхаа зам мөр, чиг хандлага болгох учиртай.

Монгол эрчүүд хүчирхэг байвал монгол үндэстэн хүчирхэг байна.

Өнөөдрийн чуулганаар эрэгтэйчүүдийн эрүүл мэнд, боловсрол, хөдөлмөр эрхлэлт, хөгжлийн асуудлаар тал бүрээс нь нухацтай сайн хэлэлцэж, эрчүүдийн талаар төрөөс баримтлах бодлогыг тодорхойлоход ажил хэрэгч олон чухал санал, санаачилга гарна гэдэгт итгэлтэй байна.

Чуулганаас гарсан зөвлөмжийг ажил хэрэг болгоход Монгол Улсын Ерөнхийлөгч бүх талаар дэмжиж, хамтран ажиллах болно гэдгээ хэлье.

Чуулганы ажиллагаанд амжилт хүсье.

Морин дэл дээр ассан монгол эрсийн цог хийморь галын дөл шиг өөдөө байг.

Мөнх тэнгэрийн хүчин дор Монгол Улс мандан бадрах болтугай.


Сэтгэгдэл

Зочин [103.111.68.3] 2022-03-16 08:05:30

Хулгайч луйварчин минь ээ, Хулгай луйврыг зогсооно гэснэ ээ мартчихсан уу. Өррөө хулгайч луйварчин юм чинь аргагүй л даа.

zochin [66.181.161.30] 2022-03-15 05:08:32

zuv sanaachlaga devshuullee gehdee gol tom asuudal alban tushaaltnuud bna 500sayaas deesh hadgalamjtai ul hudluh unet edleltei turiin hurungutnuudee shalgaya yamar eh uusvereer tsalingaasaa heden sayaar ih orlogo olj avsan bdg ym asuudalgui bval tatvaraa av asuudaltai bol ulsiin orlogo bolgoyo, shuugch turiin umchit kompaniin zahirluud geed turuus undur tsalinjdag humuusiin tsaling turiin alban haagchidtai adil tsalintai bolgo esvel turiin buh tsalingaa nem

Jenifer [23.95.197.210] 2022-03-14 22:07:03

متخصص تعمیر یخچال در کرج شارژگاز یخچال یک کار تخصصی است و بهتر است در یک مکان آزاد انجام شود. امکان دارد دستگاه شما یکسره کار کند و نگران سوختگی موتور یخچال خود شوید. یخچال یک دستگاه مصرفی و شخصی به شمار می آید و طبیعتا هنگام تعمیرات علاقه مند به حضور در کنار تکنسین میباشید که این امر تنها در “خدمات در محل” امکان پذیر میباشد. بعد از اتمام کار فاکتور و ضمانتنامه رسمی نسبت به خدمات تعمیر یخچال؛ ارائه میگردد. این ماده سیال واسطه ای است که سرما را با تبخیر و تقطیر در بخش ها مختلف یخچال پخش می نماید و عمل سرد سازی یخچال فریزر شما را انجام می دهد . مهمترین مواردی که باعث ایجاد این مشکل در یخچال می شوند ضعیف بودن برق ، معیوب بودن اورلود ، نیم سوز بودن موتور ، خراب شدن له استارت ، انسداد مسیر گردش کار در یخچال می باشد. یکی از مشکلاتی که می‌تواند منجر به خرابی یخچال و فریزر شود معیوب شدن MCB که یک قطع کننده کوچک مدار است ، می باشد . زیرا در این مقاله ما به معرفی بهترین مرکز سرویس و تعمیر یخچال در کرج پرداخته ایم تا بتوانیم در پیدا کردن یک مرکز معتبر شما را یاری کنیم. در اسرع وقت بایستی از خدمات تعمیرگاه تعمیر یخچال برخوردار شوید تا مسئله مربوطه جدی تر نشود. اگر لوازم خانگی شما دچار مشکل شده است با مدرن تکنیک تماس بگیرید. برد الکترونیکی دارای محاسن زیاد و معایب بسیار کمی است اگر بخواهیم بگوییم بزرگترین اشکال در برد الکترونیکی چیست میتوان گفت حساسیت بسیار بالا در برد های الکترونیکی یخچال بزرگترین عیب آن نسبت به مدل های مکانیکیست . خدمات یخچال فریزر بسیار گسترده و متنوع میباشد اما مهم ترین آن ها به شرح زیر میباشد . کمپرسور یخچال روشن است ولی وقتی که به موتور یخچال دست می زنید بسیار داغ است. البته توجه داشته باشید که در بسیاری از مواقع ممکن است نیاز به تعویض فن کندانسور داشته باشید. کتاب تعمیرات یخچال pdf

Зочин [124.158.93.68] 2022-03-14 07:29:18

ЛООЗОНГООО ЯАХ ВЭ ХОНОГИЙН ХООЛГҮЙ ,ХҮНС БҮГД 0000

Зочин [202.21.108.204] 2022-03-14 06:05:59

Arhigui mongol bolbol mash olon zovlongoosoo salna daa

Зочин [66.181.161.22] 2022-03-14 05:38:52

Сайхан цэцэн цэлмэг ярьж болно л доо гагцхүү ярьсан бүхэн маань биелэлээ олдог л,хэрэгжүүлдэг л болмоор байна шүү Ерөнхийлөгч өө, Төрийн өндрөрлөгүүд хэлсэн үгээ мартдаггүй хэрэгжүүлдэг,гарсан хууль амьдралд нийцэж түүнийг иргэд бүрнээ дагадаг,хууль хэрэгжүүлэгчид нь шудрага,ард түмнийхээ язгуур эрх ашигт нийцсэн үнэн мөнийг нь олсон шийдвэр гаргадаг,төрийн бүх шатны үйл ажиллагаа авлигагүй,хүнд сурталгүй явагддаг байвал хичнээн сайхан байх бол? Ард иргэд бид ч эдийн засаг хүнд,Ковидтой байлаач сэтгэлээр өөдрөг баян явна шүү дээ ноён Ерөнхийлөгч минь.

Sal [166.88.232.222] 2022-03-14 05:36:05

แหล่งรวมเว็บไซต์สล็อต มาพร้อมระบบแล้วก็บริการดีๆสำหรับสมาชิกทุกคน ลงทะเบียนได้แล้วในตอนนี้เพื่อให้ทุกท่านสามารถร่วมสนุกและทำเงินได้อย่างไร้ข้อจำกัด เป็นแหล่งรวมเกมที่ใหญ่ที่สุดของพวกเรา บริการดีๆต่างๆจำนวนมาก เปิดให้บริการจากผู้สร้างโดยตรงจากต่างแดน ได้อย่างเพลินไร้ขีดกำจัด สามารถทำธุรกรรมการเงินต่างๆได้ด้วยตนเอง แนวทางการเล่นผ่านอุกปรณ์โทรศัพท์มือถือ วางพนันด้วยเงินจริง ศูนย์รวมค่ายทุกค่ายเอาไว้ภายใน เว็บหลักสล็อต ของเราไว้ครบทุกเกม เว็บตรงสล็อต สะสมไว้ในค่ายเกมเดียวจบครบนอกมั่นใจได้100% ได้เปิดให้บริการที่สุดแสนจะพิเศษสำหรับสมาชิกทุกคน สล็อตเครดิตฟรีที่จะช่วยให้ผู้เล่นมือใหม่ แม้มีปัญหาหรือคำถามประการใดก็สามารถติดต่อหาคณะทำงานได้ทันที มีโบนัสแตกหนักแตกบ่อยมากมีผู้เล่นผู้คนจำนวนมากซึ่งสามารถพิชิตเงินรางวัลแจ็คพอตก้อนโต ลุ้นรับเงินรางวัลเวลานี้เปิดประสบการณ์ใหม่ที่ไม่เคยได้รับจากที่ไหนยืนยันว่าไม่ผิดหวังอย่างแน่แท้ อย่ารอคอยช้าสมัครในตอนนี้ลุ้นรับเงินรางวัลในเวลานี้เปิดประสบดารณ์ใหม่ที่ไม่เคยได้รับจากที่ไหนรับรองว่าไม่ผิดหวังอย่างแน่นอน สามารถร่วมบันเทิงใจกับเกมต่างๆเยอะมากได้อย่างไร้ไม่สบายใจพร้อมมีระบบระเบียบและก็บริการดีๆต่างๆมากมายก่ายกอง สามารถทำธุรกรรมต่างๆผ่านระบบฝาก-ถอนได้ด้วยตัวเองสะดวกมั่นคงและปลอดภัย100%สามารถร่วมสนุกสนานกับเกมสล็อตแตกง่ายได้อย่างเพลินใจ สำหรับสมาชิกทุกคนที่ยังไม่มีประสบการณ์การเล่นมาก่อนการฝึกฝนเล่นในโหมดทดสอบเล่นสล็อตฟรีจะช่วยทำให้ทุกคนสามารถเล่นได้อย่างถูกทางรู้เรื่องแบบและก็อัตราการจ่ายเงินรางวัล อย่ารอช้าสมัครเวลานี้ลุ้นรับเงินรางวัลในขณะนี้เปิดประสบการณ์ใหม่ที่ไม่เคยได้รับจากที่ไหนยืนยันว่าไม่ผิดหวังอย่างไม่ต้องสงสัย ทางคณะทำงานของพวกเราได้เปิดให้บริการที่สุดแสนจะพิเศษสำหรับสมาชิกทุกคนซึ่งสามารถทำธุรกรรมต่างๆได้ด้วยตัวเองรวดเร็วทันใจข้างใน10วินาที สล็อตยอดฮิตที่มาแรงที่สุดในปี2022สามารถยืนยันเรื่องความยั่งยืนมั่นคงปลอดภัยเล่นได้จ่ายจริง100% เป็นคนรวยในตอนข้ามคืนกันเลยทีเดียวอัตราการได้รับเงินรางวัลสูงถึง90% จะช่วยให้การลงทุนของทุกคนได้รับผลตอบแทนที่คุ้มอย่างไม่ต้องสงสัย คาสิโนออนไลน์เว็บตรง

erka [64.119.22.147] 2022-03-14 05:16:52

huukee ta saihan yrij bolno eruul mongol ger bul gej uhsen hoinoo gereesee ajilda ybah gej tugjee oroi ydarsan hun gerte oroh gej boglo iim baihad ene ard tumen chni eruul bie bienee hundelj chadahuu ta nar saihan yriad ineegeed suuj baidag ene MONGOL ulsad chni shabaaraldsan baahan baishin bolloo yah be zogsoolgui mash olon baishin bariad bna zamaaraa egnuuleed baahan mashinaa tabiad bna yah be ehleed zob zohion baiguulltai nar uzdeg togloomiin talbaitai ij buren bair barimaar bna estoi ybah gazarch uldehgui bolloo ta nar hotiinhoo deeguur nisdeg tergeer ybaad ymar baigaagaa uzeed ogol do yaj ene ulsaas hulgai hiih be gej bodhiin orond

Зочин [66.181.183.74] 2022-03-14 04:57:14

Зөв. Дандаа жендер эмэгтэйчүүдийн эрх ашиг ярихаас гадна эрчүүддээ ч анхаарах цаг болсон. Доривтойхон төсөл хөтөлбөр хэрэгжүүлэх хэрэгтэй. Тэдний эрүүл мэнд, ажилтай болгох гээд олон асуудал бий. Ерөнхийлөгч сайхан үг хэлсэн байна. Амжилт хүсье.

Зочин [202.9.47.9] 2022-03-14 04:56:50

Эрх баригчидаа амьдрал амаар биш ажил хөдөлмөрөөр дэвжин дээшилдэг.


10 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
10 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.