Айлын гэр хулгайлж, худалдан борлуулсан этгээдийг цагдаагийн байгууллагаас илрүүлэн шалгаж байна. Тус хорооны нутагт оршин суух иргэний бариатай байсан таван ханатай гэрийг 28 настай, эрэгтэй “С” гэгч хулгайлж, бусдад худалдан борлуулсан байжээ. Гэр алдагдсан тухай дуудлага мэдээлэл энэ сарын 15-ны 16:54 цагт бүртгэгдсэн аж. Уг хэрэгт мөрдөн шалгах ажиллагаа явуулж эхэлжээ.

Цагдаагийн байгууллагаас гэрээ эзгүй орхих бол ойр дотнынхондоо захиж үлдээх зэргээр хулгайлах гэмт хэргээс сэргийлэхийг санууллаа.