Ардчилсан Намын дарга, УИХ дахь АН-ын бүлгийн дарга О.Цогтгэрэл, УИХ-ын гишүүн Ц.Туваан, Д.Батбаяр, С.Эрдэнэболд, Төв аймгийн Засаг дарга Л.Төмөрчөдөр тэргүүтэй АН-ын удирдлагууд Төв аймгийн Заамар суманд ажиллалаа.

Энэ үеэр Заамар сумын АН-ын гишүүдтэй уулзаж, “Нээлттэй, Цэгцтэй -Ардчилсан Нам" аяны зорилго, явцын талаар мэдээлэл хийж, намын 100 орчим гишүүнд "Ардчиллын гэрэгэ" гардууллаа.

Мөн Заамар сумаас Улсын аварга малчнаар шалгарсан Ц.Батсуурийн гэр бүлд шагналыг гардуулж, бизнес эрхлэгч Бат-Эрдэнийн аж ахуйтай танилцаж, түүний гэр бүлд "Ардчиллын гэрэгэ"-г гардууллаа.