Хичээлийн шинэ жил ирэх даваа гарагт эхэлнэ. Үүнтэй холбоотойгоор Боловсролын ерөнхий газрын дарга Т.Ням-Очир мэдээлэл өглөө. Тэрээр "Энэ хичээлийн жилд боловсролын бүх шатны 2450 гаруй байгууллагад 1 сая 29 мянга орчим хүүхэд, залуус суралцах эхний тооцоолол гараад байна. Тэдэнд 55 мянга гаруй багш хичээж зааж, 57 мянган ажилтан, албан хаагч хичээл сургалтын үйл ажиллагааг зохион байгуулна. ЕБС-ийн хүүхдийн тоо 797 мянга 830 мянга болж, өнгөрсөн жилийнхээс 30 гаруй мянгаар нэмэгдэхээр байна. Сүүлийн жилүүдэд ЕБС-ийн элсэлт, төгсөлтийн зөрүүний улмаас жил бүр улсын хэмжээнд 20-30 мянган хүүхэд нэмэгдэж байна. Тэдний дийлэнх нь Улаанбаатар хотод суралцаж байна. Өнөөдрийн байдлаар гурван сургуулийн дээвэр засаж байгаа бол нэг сургуулийн их засвал дуусаагүй байна. Бусад сургуулиуд бэлэн байдлаа хангаад, хичээл сургуулийн үйл ажиллагаагаа эхлүлэхээр ажиллаж байгаа.