Өнөөдөр Ардчилсан намын Үндэсний бодлогын хороо 13:00 цагаас хуралдах товтой байна.

Уг хуралдаанаар Ардчилсан намын Үндсэн дүрэм болон хөтөлбөр, намын дотоод зохион байгуулалтын асуудлыг хэлэлцэх юм. Мөн Л.Гантөмөр АН-ын даргаас чөлөөлөгдөх өргөдлөө өгч дараагийн даргын сунгааг зарлана.

Одоогийн байдлаар УИХ-ын гишүүн Ж.Баярмаа, Л.Мөнхбаясгалан нар намын даргад нэр дэвшихээ илэрнхийлсэн бол О.Цогтгэрэл, О.Алтангэрэл, Ч.Лодойсамбуу нарын нэр яригдаж байгаа ч албан ёсоор зарлаагүй байна. Мөн УИХ-д суудалгүй ч АН-ыг тулгын чулууг тавилцаж байсан гишүүд, эрдэмтэн докторууд ч горилж байгаа аж. Ямартай ч даргын төлөөх марафон ширүүсэж, нам доторх өрсөлдөөн хүчтэй өрнөж байна.