Өмнөд Солонгосын дуучин, жүжигчин Кү Ха Ра Сөүл дэх гэртээ нас барсан байна гэж БНСУ-ын цагдаагийнхан мэдэгджээ. 2008 онд K-Pop хамтлагийн гишүүнээр элссэн гэдгээр нь 28 настай түүнийг хүмүүс хамгийн сайн мэддэг. Бас тэр өөрөө хөгжим зохиодог байсан.

Цагдаа нар түүний үхлийн шалтгааныг шалгаж байгаа гэж мэдэгдсэн. Тэрээр амиа хорлохыг завдсан хэмээн өнгөрөгч тавдугаар сард эмнэлэгт хэвтэж байсан. Дараа нь дуучин энэ явдалтай холбогдуулан шүтэн бишрэгчдээсээ "түгшүүр, үймээн" үүсгэсэнд уучлал гуйжээ. Харин өнгөрсөн долоо хоногт хэд хэдэн удаа үзүүлбэр үзүүлэх тоглолтод оролцсон юм. Түүний менежер тэр үед ухаангүй байсныг олсон гэж мэдээлсэн. Кү Ха Ра-г өнгөрөгч ням гарагт орон нутгийн цагаар 18.00 цагийн үед нас барсан гэж Ганнам хотын цагдаагийн газраас Yonhap агентлагт иш татан мэдээлжээ. Харин бямба гаригт 1.5 сая дагалдагчидтайгаа хуваалцаж байсан түүний Инстаграм дахь хамгийн сүүлийн бичлэг нь: "Сайхан үдэш" гэсэн гарчигтай орондоо унасан гэрэл зураг юм. “Кара” түүний хуучин хамтлаг бол олон улсын тавцанд гарсан анхны K-Pop хамтлагийн нэг байв. 2015 онд гарсан Кү Ха Ра-гийн анхны бие даасан EP нь Солонгосын хөгжмийн чартуудад дөрөвт орж байсан. Тэрбээр энэ оны эхээр Японы авъяас чадварын менежментийн агентлагтай хамтран ажиллах гэрээнд гарын үсэг зурсан бөгөөд энэ сарын эхээр “Midnight Queen” хэмээх дуугаа гаргажээ. Сүүлийн нэг жилийн хугацаанд түүний карьер нь тайзан дээрээс гаргасан элдэв маягаас нь болж унаж байсан юм. Өнгөрсөн оны есдүгээр сард Кү Ха Ра экс найз залуугийнхаа эсрэг хууль бус видеогоо дэлгэж, карьераа сүйтгэнэ гэж заналхийлсний дараа шүүхэд нэхэмжлэл гаргасан байдаг.