11-р сарын 12-нд Хятадын тэргүүн хатагтай Пэн Лиюань Испанийн хатан хаан Летизияийн хамт Бээжингийн Хөгжлийн бэрхшээлтэй хүмүүст үйлчлэх төвд зочилсон байна.

Пэн Лиюань, Летизия нар тус төвд хөгжлийн бэрхшээлтэй хүмүүст үзүүлэх үйлчилгээтэй танилцаж, Бээжингийн өвлийн паралимпийн наадмын гол үзэсгэлэнг сонирхов. Тэд мөн нарийн боовны сургалтанд хамрагдаж буй, гар урлалын бүтээл хийж буй, зураг зурж буй хөгжлийн бэрхшээлтэй хүмүүстэй халуун дотноор харилцаж, нөхөн сэргээх сургалтанд хамрагдаж буй хөгжлийн бэрхшээлтэй хүүхдүүд дээр очиж, хараагүй хүүхдүүдийн тоглолтыг үзэж сонирхсон байна.

Пэн Лиюань хэлэхдээ, хөгжлийн бэрхшээлтэй хүмүүсийн үйл хэрэгт бүх талын хамтын хүчин чармайлт, дэмжлэг шаардлагатай бөгөөд тэднийг нийгэмд илүү сайн оролцоотой байх нь туслах шаардлагатай гэжээ. Хятад, Испани хоёр улс харилцаа хамтын ажиллагаагаа улам бэхжүүлж, хөгжлийн бэрхшээлтэй хүмүүст мөрөөдлөө биелүүлэхэд нь хамтаар дэмжихийг хүссэн байна. Летизия Хятадын хөгжлийн бэрхшээлтэй хүмүүсийг дэмжих үйл ажиллагаа, ялангуяа хөгжлийн бэрхшээлтэй эмэгтэйчүүдийн ажлын байрны талаар дэлгэрэнгүй мэдээлэл авахын зэрэгцээ Хятадын ололт амжилтыг өндрөөр үнэлсэн байна.