ВАШИНГТОН. /TASS/. Дэлхий даяар шинэ төрлийн коронавирусний халдвар авсан тохиолдлын тоо пүрэв гарагт 52 сая давсныг олон улсын байгууллагууд, холбооны улсын болон орон нутгийн эрх баригчдын мэдээлэлд үндэслэн тооцооллоо хийж буй АНУ-ын Жонс Хопкинсийн их сургуулийн мэдээлэл харуулжээ.

Тус их сургуулиас мэдээлснээр, дэлхий даяар халдвар авсан хүний тоо одоо 52 041 515 байгаа бол 1 282 184 хүн нас барж, 33 870 032 хүн халдвараас эдгэрчээ. Халдварын хамгийн олон буюу 10 392 702 тохиолдол АНУ-д илэрсэн байна. Тус улсад нийт 241 047 хүн коронавирусний халдвар авсны улмаас нас барсан бол 3 997 175 хүн эдгэрчээ. Халдварын тохиолдлын тоогоор АНУ-ын дараа Энэтхэг улс орж байна. Энэтхэгт 8 636 011 тохиолдол бүртгэгдэж, 127 571 хүн нас барсан бол 8 013 783 өвчтөн эдгэрсэн байна. Гуравдугаарт, 5 747 660 хүн халдвар авснаас 163 368 нь нас барж, 5 222 937 нь эдгэрсэн Бразил улс орж байна.

www.montsame.mn