Улсын хэмжээнд ойрын хавьтал болсон 40 мянган иргэн байна

Aдмин / Эрүүл мэнд

УОК-ын Шуурхай штабын хурал болов. Шуурхай штабын дарга Ц.Ганзориг дараах мэдээллийг өглөө.

-Манай улсад 12-17 насны 290 мянган хүүхэд бий. Тэднийг вакцинжуулах шаардлагатай. Ингэснээр нийт хүүхдүүдийнхээ 66 хувийг вакцинжуулна. Одоогийн байдлаар 16-17 насны 3246 хүүхэд дархлаажуулалтад хамрагджээ.

Тавдугаар сараас хойш улсын хилийг үе шаттай нээсэн. Буянт-Ухаа, Алтанбулаг, Замын-Үүдийн боомтоор зорчигч нэвтрүүлэх Засгийн газрын тогтоол гарсан. Нислэгээ нэмэгдүүлэх авиа компаниуд байна. Одоо нийслэлд 31 зочид буудалд иргэдийг тусгаарласан. Онгоцны буудалд буусан иргэдээс асуумж авч, бүрэн тунгаа хийлгээд 14 хоносон, өвчлөөд эдгэсэн бол шууд гэрт нь хариулж байна. Бусад тохиолдолд долоо хоног тусгаарлана. Гадаад орчны эрсдэл өндөр байгаа тул нислэгийг нэмэх боломжгүй байна. Өнгөрсөн сард 3000 орчим иргэнийг татан авсан. Энэ сард 16 нислэгээр 4000 орчим иргэнийг авчирлаа. Тэдний 85 хувийг монгол иргэд эзэлж байна.

119 дугаар руу залгасан иргэдийн 95 хувьд нь мэдээлэл өглөө. ЭМЯ-нд энэ утасны операторууд ажиллаж байна.

Орны нөөцийн хувьд өглөө бүр 230-250 ор нийслэлд сулардаг. Ор зохицуулалтын баг ажиллаж байна. Нэн шаардлагатай өвчтөнийг яаралтай хэвтүүлж байна. Улсын хэмжээнд 11500 хүн эмнэлэгт хэвтэж байна. Тусгаарлан эмчлэх болон тусгаарлан ажиглах байранд 16 мянган хүн байна. Ойрын хавьтал болсон 40 мянган хүн байна.

Өнөөдрийн байдлаар 18 аймгийн 145 суманд оон нутгийн удирдлагын шийдвэрээр хөдөлгөөний хязгаарлалт тогтоожээ.

Батлан хамгаалахын дэд сайд, Хил хамгаалах ерөнхий газрын даргаар ахлуулсан ажлын хэсэг Өмнөговь аймагт ирэх сарын 1 хүртэл ажиллана. Эрээнээс манай улс руу нэвтрүүлэх ачаа тээвэр саатсан асуудлыг энэ ажлын хэсэг зохицуулах үүрэг хүлээв.

Дүүргүүдэд 40 автобустай эмч нарыг амбулаторийн үзлэг хийлгэхээр ажиллуулж байна.

Мөн яамдаас 52 машин дайчлан авч, эрүүл мэндийн тусламж үйлчилгээнд ашиглаж байна.


Сэтгэгдэл

zochin [66.181.161.20] 2021-06-22 09:18:49

Ойрын хавьтал болсон 40000 хүн чинь ямар ч хяналтгүй ,өөрсдийгөө тусгаарлахгүй гадуур тэнээд халдвараа тараагаад яваад байгаа юм биш үү.Хяналт ...........

Зочин [66.181.177.161] 2021-06-22 00:39:39

Бэлдээд л байсан юу ч бэлдэж байман юм вэ дээ арай л байна энэ засаг

зочин [192.82.78.116] 2021-06-21 22:30:27

та нарт ухамсар гэж байн уу

зочин [124.44.184.129] 2021-06-21 22:07:28

Коронавирус Монгол улсад, Монголчуудад арай л том ул мөр үлдээж байна уу? Хүн амынх нь бараг 3 хувь халдвар авч 1000 /600+400 гаруй/ гаруй хүн бурхны оронд злрав уу? Эдийн засаг нь юу болов? Ард иргэдийн ахуй амьдрал яав? Монголчуудын сэтгэхүй, чадвар, нөхөн үржихүй, удамшил, генд нөлөөлөв үү? Нам засгийн бодлого зөв мэргэн хүмүүнлэг байв уу? Энэ бүхнийг цаг хугацаа харуулж үнэлгээ дүгнэлт өгч түүхэнд хар толбо үлдэх өдөр ирэх л байх даа? Хүүхдүүд айл гэр болж тоглодог шиг тусгаар тогтносон, төрт улсаараа их оролдож болохгүй байх даа? Монголчуудын заяа буян нь түшиг.

Зочин [66.181.160.54] 2021-06-21 20:29:58

Наандаж 40 хүний амь гэсэн үг үү ...

Зочин [202.9.46.239] 2021-06-21 17:27:59

Засгийн газраас илүү мангар ард түмэнд дургүй хүрч байна. Тэнэг иргэд өөрсдөө хүмүүстэй ойр хавьтаад халдварын тохиолдлын тоог нэмэгдүүлээд байна.


6 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
6 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.