Цөлжилт, газрын доройтол, ган гачигтай тэмцэх НҮБ-ын Талуудын 17-р бага хурал (COP17)-ын “Эх байгалиа сэргээж, итгэл найдвараа бадраая” уриаг албан ёсоор зарлалаа. Энэ нь цөлжилт, газрын доройтол, ган гачиг гэхчлэн зөвхөн байгаль орчны хямрал биш, харин бидний ирээдүй, амьжиргаа, тогтвортой хөгжлийн суурь асуудал гэдгийг онцолсон утгатай. Өөрөөр хэлбэл газрын доройтолтой тэмцэж, экосистемийг сэргээх нь хүн төрөлхтний энх тайван, тогтвортой хөгжилд итгэл найдвар авчирна гэсэн үг юм.

Манай улс COP17-г Улаанбаатар хотод наймдугаар сарын 17-28-нд зохион байгуулж, газрын нөхөн сэргээлт, бэлчээр, амьжиргаа, тогтвортой хөгжлийн бодит шийдлийг дэлхийн түвшинд хэлэлцэх юм. Тус хуралдаанд 190 гаруй орны төлөөлөгчид оролцохоор байгаа билээ.